Xalq deputatlari tuman Kengashi deputati X.Atajonova Ulug‘bek mahallasida faoliyat olib borayotgan “Shirmonoy” nomli oilaviy xususiy maktabgacha ta’lim tashkilotida tashkil etilgan “Kasbim — faxrim” tadbirida ishtirok etdi. Tadbirdan ko‘zlangan asosiy maqsad — yosh avlod qalbida kasb-hunarga bo‘lgan hurmat va qiziqishni shakllantirish, bolalarni turli kasblar bilan tanishtirish, ularning kelajakda o‘z qiziqishlari va qobiliyatlariga mos kasb tanlashlariga ko‘maklashishdan iborat. Tadbir davomida kasbning inson hayotidagi o‘rni, halol mehnatning qadri va har bir kasb egasiga hurmat bilan munosabatda bo‘lish muhimligi alohida ta’kidlandi. Shuningdek, farzandlarimizni kichik yoshdanoq mehnatsevarlik,
mas’uliyat va vatanparvarlik ruhida tarbiyalash, ularning iqtidor va qobiliyatlarini rivojlantirish borasidagi bunday ma’rifiy tadbirlarning ahamiyati qayd etildi.