SESSIYADA QABUL QILINGAN QARORLAR IJROSI MUHOKAMA QILINDI

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari tomonidan Kengash sessiyasida qabul qilingan qarorlarning ijrosi yuzasidan muhokama o‘tkazildi.

Muhokama davomida qabul qilingan qarorlar asosida belgilangan vazifalarning bajarilish holati, mas’ul tashkilotlar tomonidan amalga oshirilgan ishlar hamda ijro jarayonida yuzaga kelayotgan masalalar ko‘rib chiqildi.

Shuningdek, qarorlar ijrosini o‘z vaqtida va samarali ta’minlash, aniqlangan kamchiliklarni bartaraf etish hamda belgilangan topshiriqlarni sifatli bajarish yuzasidan fikr almashildi.

Mazkur faoliyat deputatlik faoliyatining 24 ta eng muhim yo‘nalishi doirasida Kengash qarorlari ijrosini o‘rganish, mas’ul tashkilotlar faoliyati ustidan deputatlik nazoratini amalga oshirish va aholi manfaatlariga daxldor masalalarni hal etishga qaratilgan.

Muhokama yakunida qarorlar ijrosini muntazam tahlil qilib borish, mas’ul tashkilotlar faoliyatini nazorat qilish va belgilangan vazifalar bajarilishini ta’minlash muhimligi ta’kidlandi.