Xalq deputatlari Yangiobod tuman Kengashi deputati E. Qobulov Balandchaqir mahallasida faoliyat yuritayotgan tikuvchilik sexi bilan tanishdi. Tashrif davomida fuqaroning tikuvchilik faoliyati orqali o‘zini o‘zi band qilgani, mehnati evaziga daromad topayotgani hamda faoliyatni rivojlantirish imkoniyatlariga e’tibor qaratildi.

Tikuvchilik kabi hunarmandchilik yo‘nalishlari fuqarolarning kasbiy mahoratini daromad manbaiga aylantirish, oilaviy budjetni mustahkamlash va aholi bandligini ta’minlashda muhim o‘rin tutadi. Mahallada tadbirkorlikka qiziqishni oshirish va boshqa insonlarni ham daromadli faoliyatga undashda ahamiyatlidir.

Deputat faoliyat bilan tanishish jarayonida tikuvchilik ishlarini yanada rivojlantirish, mavjud imkoniyatlardan samarali foydalanish va daromadni oshirish istiqbollari yuzasidan fikr almashdi.

Shuningdek, fuqarolarning o‘zini o‘zi band qilishga bo‘lgan intilishini qo‘llab-quvvatlash, kasb-hunar orqali barqaror daromad topish imkoniyatlarini kengaytirish hamda mahallada tadbirkorlik muhitini rivojlantirish muhimligi ta’kidlandi.

Maqsad — fuqarolarning mehnat salohiyatini ro‘yobga chiqarish, o‘zini o‘zi band qilishni rag‘batlantirish va oilalar farovonligini oshirishga ko‘maklashish.