Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida Ijtimoiy reyestrga kiritilgan oilalarning yashash sharoitlari va mavjud ehtiyojlarini o‘rganish maqsadida manzilli o‘rganish ishlari olib borildi.

O‘rganish davomida Ibrat ko‘chasi, 9-uy, 6-xonadonda istiqomat qiluvchi N.Otabayeva xonadoniga tashrif buyurilib, oilaning ijtimoiy ahvoli, yashash sharoiti hamda mavjud ehtiyojlari bilan tanishildi.

O‘rganish jarayonida oilaga bolalar nafaqasi tayinlangani, shuningdek, fuqaroning davolanishi uchun tegishli order berilgani ma’lum bo‘ldi.

Bundan tashqari, “Saxovat va ko‘mak” jamg‘armasi tomonidan oilaga vaucher asosida oziq-ovqat va kiyim-kechak mahsulotlarini xarid qilish uchun yordam ko‘rsatilgani qayd etildi.

Tashrif davomida oilaning ijtimoiy holati va ehtiyojlari o‘rganilib, aholining ijtimoiy himoyasini ta’minlash hamda ehtiyojmand oilalarni manzilli qo‘llab-quvvatlash masalalariga e’tibor qaratildi.

Xalq deputatlari Qo‘qon shahar Kengashi