#Yoshlar_maslahat_guruhi

Yoshlar uchun yaratilgan sharoitlar o‘rganilmoqda

Xalq deputatlari Termiz tumani Kengashi huzuridagi Yoshlar maslahat guruhi a’zolari tomonidan hududlarda yoshlar bilan uchrashuvlar o‘tkazilib, ular uchun yaratilgan sharoitlar o‘rganilmoqda.

O‘rganishlar davomida yoshlarning ta’lim olishi, kasb-hunar egallashi, bo‘sh vaqtini mazmunli o‘tkazishi, sport va boshqa yo‘nalishlarda o‘z qobiliyatlarini namoyon etishi uchun yaratilgan imkoniyatlarga e’tibor qaratildi.

Shuningdek, iqtidorli yoshlar bilan suhbatlashilib, ularning yutuqlari, qiziqishlari va kelgusidagi rejalari tinglandi. Yoshlarning o‘z iste’dodini rivojlantirishi uchun qanday qo‘shimcha sharoitlar zarurligi yuzasidan takliflar olindi.

Hududdagi o‘quv markazlari faoliyati ham ko‘zdan kechirilib, ulardagi ta’lim sharoitlari, mavjud imkoniyatlar va yoshlar uchun yaratilgan qulayliklar o‘rganildi.

O‘rganishlar yakunida aniqlangan kamchiliklarni bartaraf etish, yoshlar uchun mavjud imkoniyatlarni kengaytirish hamda ularning takliflarini amaliyotga tatbiq etish bo‘yicha tegishli takliflar shakllantiriladi.