O‘rganish jarayonida qarorda belgilangan vazifalarning tuman miqyosida amalga oshirilishi, oila va xotin-qizlarni qo‘llab-quvvatlash, ularning huquq va manfaatlarini himoya qilish, ijtimoiy himoyaga muhtoj xotin-qizlarga ko‘mak ko‘rsatish hamda ularning bandligini ta’minlash borasida olib borilayotgan ishlar tahlil qilindi.
Shuningdek, tuman hokimi o‘rinbosari — Oila va xotin-qizlar bo‘limi boshlig‘i Z. Axmedovaning mazkur qaror ijrosi yuzasidan hisoboti o‘rganilib, belgilangan chora-tadbirlarning bajarilishi, mas’ul tashkilotlar bilan hamkorlikda amalga oshirilayotgan ishlar hamda mavjud muammolar yuzasidan ma’lumotlar ko‘rib chiqildi.
O‘rganish natijasida oila va xotin-qizlarning ijtimoiy-iqtisodiy holatini yaxshilash, ularni qo‘llab-quvvatlash, bandligini ta’minlash, turli ijtimoiy muammolarini hal etish va oilaviy muhitni sog‘lomlashtirishga qaratilgan chora-tadbirlar amalga oshirilayotgani qayd etildi.
Shu bilan birga, qaror ijrosini ta’minlashda belgilangan vazifalarning o‘z vaqtida va sifatli bajarilishini nazorat qilish, aniqlangan muammolarni bartaraf etish hamda ehtiyojmand xotin-qizlarga manzilli yordam ko‘rsatish ishlarini yana-da kuchaytirish bo‘yicha tegishli tavsiyalar berildi.
Mazkur o‘rganish xotin-qizlarning huquq va qonuniy manfaatlarini ta’minlash, ularning ijtimoiy faolligini oshirish hamda oilalarda barqaror va sog‘lom muhitni shakllantirishga qaratilgan vazifalar ijrosini samarali tashkil etishda muhim ahamiyat kasb etadi.