Davlatimiz rahbari Shavkat Mirziyoyev raisligida 2026-yil 3-sentabr kuni kambag‘allikni qisqartirish va aholi daromadlarini oshirish masalalariga bag‘ishlangan videoselektor yig‘ilishida belgilangan vazifalar ijrosini ta’minlash, aholi farovonligini oshirish hamda oilalarni barqaror daromad manbalari bilan ta’minlash borasida hududlarda manzilli ishlar amalga oshirilmoqda.

✅Xususan, mahallalarda aholi bilan individual ishlash, fuqarolarning ijtimoiy-iqtisodiy sharoitini o‘rganish, ishsiz fuqarolarni doimiy ish bilan ta’minlash, tadbirkorlik tashabbuslarini qo‘llab-quvvatlash hamda mavjud imkoniyatlardan samarali foydalanish masalalariga alohida e’tibor qaratilmoqda.

📝Shu maqsadda Xalq deputatlari Yunusobod tumani Kengashi deputati Sh.Kattaxodjayev tomonidan mahallalarda xonadonbay o‘rganish ishlari olib borildi.

🔺O‘rganishlar davomida fuqarolarning murojaatlari, bandlik masalalari, oilalarning daromad manbalarini oshirish imkoniyatlari hamda tadbirkorlik faoliyatini yo‘lga qo‘yish bo‘yicha ehtiyojlari o‘rganildi.

🔺Shuningdek, ishsiz fuqarolarni kasb-hunarga yo‘naltirish, mavjud bo‘sh ish o‘rinlari to‘g‘risida ma’lumot berish, tadbirkorlikni boshlash istagidagi fuqarolarni qo‘llab-quvvatlash va davlat tomonidan taqdim etilayotgan imtiyoz hamda imkoniyatlardan foydalanish masalalariga e’tibor qaratildi.