Xalq deputatlari Oltinsoy tuman Kengashining 12-“Bo‘ston” saylov okrugidan saylangan deputat, Kengash kotibiyati mudiri Xujanov Musurmon Abduraxmonovich hamda Kengash kotibiyatining bosh mutaxassislari A.Esanov va I.Roziqov tomonidan “Bo‘ston” mahallasida joylashgan “Kitoblar olami va o‘quv qurollari” do‘konida deputatlik nazorati hamda nazorat-tahlil faoliyati olib borildi.

Tadbir davomida savdo shaxobchasida kitobxonlikni targ‘ib etish va aholiga kitob mahsulotlarini yetkazib berish sharoitlari ko‘zdan kechirildi. Xususan:

Sotuvga qo‘yilgan badiiy, ilmiy-ma’rifiy va o‘quv adabiyotlarining turi hamda ularning sifati;

O‘quv qurollari va kantselyariya turlarining yetarliligi hamda narx-navoning hamyonbopligi;

Aholining kitob va o‘quv qurollariga bo‘lgan ehtiyojini qondirish sharoitlari atroflicha o‘rganildi.

O‘rganish natijalariga ko‘ra, kitob do‘koni mas’ullariga adabiyotlar assortimentini yanada boyitish hamda narxlar barqarorligini ta’minlash bo‘yicha tegishli tavsiyalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz