“Dehqon xo‘jaligi to‘g‘risida”gi Qonun ijrosi 

Baxmal qishloq fuqarolar yig‘inida tuman Kengashi deputati N. Abdaxatov tomonidan O‘zbekiston Respublikasining “Dehqon xo‘jaligi to‘g‘risida”gi Qonuni ijrosi yuzasidan targ‘ibot va tushuntirish ishlari olib borildi.
Tadbir davomida fuqarolarga dehqon xo‘jaligini tashkil etish, yer uchastkalaridan samarali va maqsadli foydalanish, dehqon xo‘jaliklarining huquq va majburiyatlari hamda qonunchilikda belgilangan kafolatlar haqida ma’lumotlar berildi.
Shuningdek, aholi tomorqalaridan unumli foydalanish, qishloq xo‘jaligi mahsulotlarini yetishtirish va oilaviy daromadlarni oshirishda dehqon xo‘jaliklarining ahamiyatiga alohida e’tibor qaratildi.
Uchrashuv yakunida fuqarolarning mavzuga oid savollariga javoblar berildi hamda qonun talablariga rioya qilish bo‘yicha tegishli tushuntirishlar berildi.
Qonun — huquq va manfaatlar kafolati!