Olmazor tumanida sanitariya-epidemiologik osoyishtalikni ta’minlash bo‘yicha ishlar o‘rganildi

Xalq deputatlari Olmazor tuman Kengashi deputatlari tomonidan navbatdagi Kengash sessiyasiga tayyorgarlik doirasida sessiya oldi o‘rganish ishlari olib borildi.
O‘rganish jarayonida Olmazor tumani Sanitariya-epidemiologik osoyishtalik va jamoat salomatligi xizmati bo‘limining faoliyati, hududda sanitariya-epidemiologik osoyishtalikni ta’minlash borasida amalga oshirilayotgan ishlar hamda jamoat salomatligini muhofaza qilish yo‘nalishidagi vazifalar ijrosi atroflicha ko‘rib chiqildi.

🔹 Jumladan, hududdagi sanitariya holatini monitoring qilish va nazorat tadbirlarini tashkil etish;

🔹 yuqumli va ommaviy kasalliklarning oldini olish, ularning tarqalishiga yo‘l qo‘ymaslik bo‘yicha amalga oshirilayotgan profilaktik ishlar;

🔹 aholi, ta’lim va maktabgacha ta’lim tashkilotlari, umumiy ovqatlanish hamda boshqa ijtimoiy obyektlarda sanitariya-gigiyena talablariga rioya etilishi;

🔹 ichimlik suvi, oziq-ovqat mahsulotlari va atrof-muhit sanitariya holati ustidan nazorat;

🔹 aniqlangan kamchiliklarni bartaraf etish bo‘yicha mas’ullar tomonidan ko‘rilayotgan choralar;

🔹 murojaatlar bilan ishlash, fuqarolarning sanitariya va jamoat salomatligiga oid masalalarini ko‘rib chiqish holati;

🔹 xizmatning moddiy-texnik bazasi va mutaxassislar faoliyati bilan bog‘liq masalalar o‘rganildi.
📌 Shuningdek, o‘rganish davomida mavjud muammolarni bartaraf etish, sanitariya-epidemiologik barqarorlikni yanada mustahkamlash hamda aholi salomatligini muhofaza qilish bo‘yicha mas’ullarga tegishli tavsiya va takliflar bildirildi.

Sessiya oldi o‘rganish yakunlari asosida aniqlangan masalalar umumlashtirilib, navbatdagi Kengash sessiyasida muhokama qilish uchun tegishli takliflar shakllantirilmoqda.

🤝 Deputatlik nazoratining asosiy maqsadi — hududda sanitariya-epidemiologik osoyishtalikni ta’minlash, aholiga qulay va xavfsiz muhit yaratish hamda jamoat salomatligini muhofaza qilish borasidagi ishlarning samaradorligini oshirishdan iborat.