Xalq deputatlari Bag‘dod tumani Kengashining 11-“Chekmirzaobod” saylov okrugi deputati A.Sirojiddinovning tashabbusi va bevosita ko‘magi bilan “Chekmirzaobod” mahalla fuqarolar yig‘inida Ijtimoiy reyestrda turuvchi, ijtimoiy himoyaga muhtoj fuqaro uchun yangi uy-joy qurib berilmoqda.

Mazkur tashabbusdan ko‘zlangan asosiy maqsad — aholining ijtimoiy himoyaga muhtoj qatlamlarini qo‘llab-quvvatlash, ularning munosib yashash sharoitlarini yaratish hamda mavjud muammolarini amaliy yordam asosida hal etishdan iborat.

Hozirda hududda uy-joy qurilishi ishlari olib borilmoqda. Qurilish jarayoni deputat tomonidan nazoratga olinib, ishlarning sifatli va belgilangan tartibda amalga oshirilishiga e’tibor qaratilmoqda.