#10_sanlı_A_Pirniyazov_saylaw_okrugi
#Adolat_social_demokratik_partiyası

📌Sociallıq obektlerdiń gúz-qıs máwsimine tayarlıq jumısları úyrenildi....

Xalıq deputatları Shımbay rayonlıq Keńesine 10-sanlı “A.Pirniyazov” saylaw okruginen saylanǵan deputat K.Xamidullaev tárepinen “Kónshi” mákan puqaralar jıyını aymaǵındaǵı 50-sanlı ulıwma orta bilim beriw mektebiniń 2026-2027-jıllar gúzg-qıs máwsimine tayarlıq jaǵdayı úyrenildi.

Úyreniw procesinde mektep imaratı hám oqıw xanalarınıń ısıtıw sisteması, ıssılıq támiynatı, elektr tarmaqlarınıń texnikalıq jaǵdayı jáne máwsim dawamında bilim alıwshılar ushın zárúr sharayatlardı jaratıw boyınsha ámelge asırılǵan jumıslar kózden ótkerildi.
Sonday-aq, mektepte órt qáwipsizligi talaplarına ámel etiliwi, órt óshiriw quralları menen támiyinlengenligi, evakuaciya jolları hám shıǵıw esikleriniń jaǵdayı, elektr úskenelerinen qáwipsiz paydalanıw hám órttiń aldın alıw boyınsha kórilip atırǵan ilajlar úyrenildi.
Úyreniw juwmaǵı boyınsha anıqlanǵan kemshiliklerdi saplastırıw, gúz-qıs máwsimin qáwipsiz hám turaqlı ótkeriw hám de bilimlendiriw mákemesinde órt qáwipsizligi talaplarına qatań ámel etiw boyınsha juwapkerlerge tiyisli usınıslar berildi.