Xalq deputatlari Qo‘qon shahar Kengashi deputati F.Mamajonov tomonidan “Aziz tepa” mahalla fuqarolar yig‘inida yoshlar yetakchisi X.Abdullayevning O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosini ta’minlash borasida olib borayotgan ishlari o‘rganildi.

O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati mudiri A.Nosirov, bosh mutaxassislari X.Abdullayev va A.Adxamovlar ishtirok etib, amaliy ko‘mak ko‘rsatdilar.

O‘rganish davomida mahallada yoshlarni qo‘llab-quvvatlash, ularning bandligini ta’minlash, kasb-hunarga yo‘naltirish hamda mavjud imtiyoz va imkoniyatlardan samarali foydalanish borasida amalga oshirilayotgan ishlar ko‘rib chiqildi.

‍Jumladan, “Aziz tepa” MFY, Aziz tepa ko‘chasi, 45-uyda yashovchi fuqaro F.Matg‘ofurovning vaucher asosida kasb-hunarga yo‘naltirilgani ma’lum bo‘ldi.

Shuningdek, fuqarolarning mavjud imtiyozlardan foydalanish imkoniyatlari, vaucher va yo‘llanmalarni ajratish mezonlari, murojaatlarni ko‘rib chiqish tartibi hamda ehtiyojmand fuqarolarga xizmat ko‘rsatish samaradorligini yanada oshirish masalalari yuzasidan fikr almashildi.

Xalq deputatlari Qo‘qon shahar Kengashi