Eski To‘da MFY Ijtimoiy xodimi faoliyati o‘rganildi

Xalq deputatlari tuman Kengashi deputati Sh. Abdurahimov tuman Kengashining haftalik ish rejasi doirasida Eski To‘da MFYda faoliyat yuritayotgan ijtimoiy xodim ish faoliyati bilan yaqindan tanishdi.

O‘rganish davomida mahallada ijtimoiy himoyaga muhtoj fuqarolar, keksalar, nogironligi bo‘lgan shaxslar hamda ko‘makka ehtiyoji bo‘lgan oilalar bilan ishlash, ularga ko‘rsatilayotgan ijtimoiy xizmatlar va amaliy yordamlar holatiga e’tibor qaratildi.

Shuningdek, ijtimoiy xodim tomonidan fuqarolarning muammolarini aniqlash, ularni tegishli tashkilotlarga yo‘naltirish va mavjud masalalarni hal etish borasida olib borilayotgan ishlar tahlil qilindi.

Deputat o‘rganish jarayonida ijtimoiy xizmatlar sifatini yanada oshirish, aholining ehtiyojmand qatlamini qo‘llab-quvvatlash hamda murojaatlarni o‘z vaqtida ko‘rib chiqish bo‘yicha tegishli tavsiya va topshiriqlar berdi.