O‘rganish va targ‘ibot tadbirlari O‘tkazildi

Xalq deputatlari Qo‘shko‘pir tuman Kengashi deputati G.Abdullayeva va O‘rtaqishloq mahalla xotin-qizlar faoli Nasiba Xudayberganova hududda ijtimoiy himoyaga muhtoj oilalar holidan xabar olish, ularning turmush tarzi va muammolarini yaqindan o‘rganish maqsadida navbatdagi manzilli o‘rganish ishlarini olib bordilar.
Jumladan, mas'ullar "Ijtimoiy himoya yagona reyestri" axborot tizimida ro‘yxatda turuvchi, O‘rtaqishloq mahallasi M.Yusup ko‘chasi 4-uyda istiqomat qiluvchi Barno Otayeva xonadonida bo‘lib, uning oilaviy sharoitlari, kundalik ehtiyojlari hamda mavjud ijtimoiy masalalari bilan atroflicha tanishdilar.