Xalq deputatlari Qo‘qon shahar Kengashi deputati I.Fayzullayev tomonidan “Sobir Abdulla” mahalla fuqarolar yig‘inida O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan amalga oshirilayotgan ishlar o‘rganildi.

O‘rganish davomida mahalla hokim yordamchisi E.Abdusamatov tomonidan tadbirkorlikni rivojlantirish, aholi bandligini ta’minlash va fuqarolarni qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, joriy yilning o‘tgan davrida tadbirkorlik faoliyatini boshlash istagini bildirgan 5 nafar fuqaroga jami 165 million so‘m miqdorida imtiyozli kredit ajratilishiga ko‘maklashilgan. Shuningdek, mahallada 10 ta mikroloyiha ishga tushirilgan.

Amalga oshirilgan ushbu ishlar natijasida 144 nafar fuqaroning bandligini ta’minlashga ko‘maklashilgani, shuningdek, daromad manbalarining yaratilishi hisobiga 70 ta kam ta’minlangan oila “Kambag‘allik reestri”dan chiqarilgani qayd etildi.

O‘rganish jarayonida oilaviy tadbirkorlikni rivojlantirish, yangi ish o‘rinlari yaratish, fuqarolarni daromadli mehnat bilan ta’minlash hamda tadbirkorlik tashabbuslarini qo‘llab-quvvatlash borasidagi ishlar muhokama qilindi.

Uchrashuv va o‘rganish ishlarini tashkil etishda Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adhamov tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi