Xalq deputatlari Qo‘qon shahar Kengashi deputati Sh.Rasulova tomonidan saylovchilar bilan o‘tkazilgan uchrashuv va murojaatlar asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar davomida Qo‘qon shahar “Parpashabof” MFY, Devonbegi ko‘chasi 34-uyda yashovchi fuqaro Boybekovalar murojaat qildi.

Murojaatda fuqaro Boybekovalar honadonini qayta qurish ishlari kuz-qish mavsumi yaqinlashayotganligiga qaramasdan to‘xtab qolganligi yuzasidan amaliy yordam so‘ragan. Mazkur masalaga amaliy yechim topish munosabati bilan deputat tomonidan Qo‘qon shahar “Inson” ijtimoiy xizmatlar markazi boshlig‘i J.Mirzayevga deputatlik so‘rovi yuborildi.

Deputatlik so‘rovida fuqaro Boybekovalar bilan uchrashib masalaga munosabat bildirish hamda ushbu honadonni qayta qurish ishlari qachon amalga oshirilishi yuzasidan asoslantirilgan ma’lumot va tushuntirish berish so‘ralgan.

Mazkur masala deputat nazoratiga olingan bo‘lib, qonunchilikda belgilangan tartibda deputatlik so‘roviga javob taqdim etilishi hamda amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi