Tadbir davomida maktab jamoasi, o‘quvchilar va ota-onalarga yangi o‘quv yilining boshlanishi munosabati bilan ezgu tilaklar bildirildi.
Ayniqsa, maktabga ilk bor qadam qo‘ygan jajji o‘quvchilarning hayajoni va quvonchi tadbirga o‘zgacha ko‘tarinki ruh bag‘ishladi.
Deputat D. Shoimqulova yosh avlodning sifatli ta’lim olishi, bo‘sh vaqtlarini mazmunli o‘tkazishi va kelajakda munosib insonlar bo‘lib voyaga yetishi yo‘lida maktab jamoasiga muvaffaqiyat tiladi.
Har bir o‘quvchining qalbida katta orzu, oldida esa yorqin kelajak bo‘lsin!