⚖️ Korrupsiyasiz hudud sari: Bandixon tumanida Korrupsiyaga qarshi kurashish komissiyasining navbatdagi yig‘ilishi o‘tkazildi

✅Bandixon tumani | Tuman Kengashi va Hududiy komissiya

✅Davlat organlari va tashkilotlari faoliyatida shaffoflik va ochiqlikni ta’minlash, korrupsion omillarni barvaqt aniqlash va ularning sabablarini bartaraf etish mahalliy Kengash deputatlari hamda jamoatchilikning doimiy e’tibor markazidadir.

✅Bandixon tumanida Korrupsiyaga qarshi kurashish tuman komissiyasining navbatdagi tanqidiy-tahliliy yig‘ilishi bo‘lib o‘tdi.

✅Tadbirda tuman Korrupsiyaga qarshi kurashish hududiy Kengashi a’zolari, Xalq deputatlari tuman Kengashining Sud-huquq masalalari va korrupsiyaga qarshi kurashish bo‘yicha doimiy komissiyasi a’zolari, mas’ul korxona va tashkilotlar rahbarlari ishtirok etishdi.

✅KUN TARTIBIDAGI DOLZARB MASALALAR VA SOHALAR HISOBOТI:

✅Yig‘ilishda 2026-yil uchun tasdiqlangan “Yo‘l xaritasi”da belgilangan vazifalar ijrosi, korrupsiyaviy jinoyatlarning oldini olish hamda davlat xizmatlarini ko‘rsatishda inson omilini qisqartirish borasidagi choralar atroflicha muhokama qilindi.

✅Kun tartibiga muvofiq, quyidagi muhim va mas’uliyatli soha rahbarlarining hisobotlari tinglandi va tanqidiy ko‘rib chiqildi:

🔹 Tuman Soliq inspeksiyasi: Soliq tushumlari, tadbirkorlarga berilayotgan imtiyozlar va davlat xizmatlaridagi shaffoflik hamda korrupsion xavflarning oldini olish;

🔹 Tuman Sog‘liqni saqlash bo‘limi (TTB): Tibbiyot muassasalarida bepul va imtiyozli dori-darmonlar tarqatilishida, kadrlar tanlovida ochiqlik va bemorlarga xizmat ko‘rsatishdagi noqonuniy holatlarning oldini olish.

✅TANQIDIY TAHLIL VA ASOSIY MAQSAD:

✅Yig‘ilish davomida shunchaki qog‘ozdagi hisobotlar emas, balki sohalarda mavjud bo‘lgan haqiqiy holat, kelib tushayotgan fuqarolar murojaatlari hamda "qizil" va "sariq" toifadagi xavflar tahlil qilindi.

✅Asosiy maqsad:

✅Korrupsiyaga qarshi kurashish bo‘yicha belgilangan vazifalar ijrosini tanqidiy ko‘rib chiqish, mavjud tizimli muammolarni aniqlash, sohalarda shaffoflikni oshirish hamda korrupsiyaga sabab bo‘layotgan omillarni ildizi bilan bartaraf etish yuzasidan aniq chora-tadbirlar rejasini belgilashdir.