TADBIRKORLIK SUBYEKTLARINING ELЕKTR TA’MINOTI — DЕPUTATLAR NAZORATIDA
Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021 yil 31 avgustdagi 555-son “Yuridik va jismoniy shaxslarni elektr tarmoqlariga ulash bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida”gi qarori ijrosi yuzasidan deputatlik nazorati tadbirlari olib borilmoqda.
🔎 Navbatdagi o‘rganish jarayonida tumandagi mebel ishlab chiqarish sexlari faoliyati joyiga chiqqan holda o‘rganildi.
O‘rganish davomida tadbirkorlik subyektlarining elektr tarmoqlariga ulanishi, elektr energiyasi bilan ta’minlanganlik holati, mavjud quvvatlardan foydalanish hamda ishlab chiqarish jarayonini barqaror tashkil etish uchun yaratilgan shart-sharoitlarga e’tibor qaratildi.
Shuningdek, tadbirkorlarning elektr ta’minoti bilan bog‘liq murojaat va muammolari o‘rganilib, ularni bartaraf etish bo‘yicha tegishli chora-tadbirlarni belgilash masalalari muhokama qilindi.
🏭 Barqaror elektr ta’minoti — ishlab chiqarishni rivojlantirish, yangi ish o‘rinlari yaratish va tadbirkorlik subyektlari faoliyatini kengaytirishning muhim omilidir.
Xalq deputatlari Kengashi doimiy komissiyasi tomonidan mazkur yo‘nalishdagi ishlar deputatlik nazorati asosida davom ettiriladi.