Qo‘qon shahridagi 14-“Qaymoqli guzar” mahalla fuqarolar yig‘ini, Muqimiy ko‘chasi 12-uyda yashovchi fuqaro Xodjayev Muxtor Axmedovich tomonidan O‘zbekiston Respublikasi Oliy Majlisi Senati Raisi T.Norboyevaning shaxsiy qabulida bo‘lish masalasida yo‘llangan murojaati yuzasidan o‘rganish ishlari olib borildi.

Murojaatni joyiga chiqqan holda o‘rganish maqsadida mahalla raisi M.Irmonov, ushbu hudud deputati J.Xusanov hamda Xalq deputatlari Qo‘qon shahar Kengashi kotibiyati mudiri A.Nosirov fuqaroning xonadoniga borib, uning murojaati bilan bog‘liq masalalarni atroflicha o‘rgandilar.

O‘rganish davomida fuqaro M.Xodjayevning murojaati yuzasidan fikr-mulohazalari tinglanib, uni qiziqtirayotgan masalalar bo‘yicha tegishli tushuntirishlar berildi.

Shuningdek, fuqaroga Oliy Majlis Senati Raisining fuqarolarni qabul qilish tartibi, murojaatlarni ko‘rib chiqish jarayoni hamda Senatning ish tartibi yuzasidan batafsil tushuntirish berildi.

Fuqaroning murojaati yuzasidan mavjud tartib va imkoniyatlar tushuntirilib, masalani qonunchilikda belgilangan tartibda hal etish bo‘yicha zarur tavsiyalar berildi.

Xalq deputatlari Qo‘qon shahar Kengashi