Xalq deputatlari G‘ozg‘on shahar Kengashi deputati, shahar hokimi Nurali Jo‘rayev hamda tegishli mas’ullar “Marmarobod” MFY hududida xorijiy investorlar tomonidan tashkil etilayotgan “Hongyistone” MChJ tomonidan qurilishi boshlab yuborilgan zavoddagi amaliy ishlar bilan tanishdi.
Tashrif davomida granit qazib olish va uni qayta ishlashga ixtisoslashgan zamonaviy ishlab chiqarish loyihasining qurilish jarayonlari ko‘zdan kechirildi.

Ayni paytda korxona hududida qurilish ishlari boshlangan bo‘lib, zavodning kelgusidagi faoliyati uchun zarur infratuzilma yaratilmoqda. Xususan, ishlab chiqarish ehtiyojlarini ta’minlash maqsadida maxsus quduq qazilib, suv chiqarish ishlari olib borilmoqda.

Shuningdek, loyiha doirasida zamonaviy texnologiyalarni joriy etish, ishlab chiqarish quvvatlarini yo‘lga qo‘yish, yangi ish o‘rinlari yaratish hamda investitsiya imkoniyatlaridan samarali foydalanish masalalari muhokama qilindi.