Yig‘ilishda Xalq deputatlari Navoiy viloyati Kengashi deputati T. Rahimov hamda Xalq deputatlari G‘ozg‘on shahar Kengashi deputatlari F.Hojiyev va M.Ergasheva ishtirok etmoqda.

Yig‘ilish davomida davlat rahbari boshchiligida “Mahallalarda aholi bandligi va daromadini oshirish bo‘yicha yangi tizim joriy etish” masalalari yuzasidan o‘tkazilgan videoselektor yig‘ilishida berilgan topshiriqlar ijrosini ta’minlash masalalariga alohida e’tibor qaratilmoqda.

Jumladan, mahallalarda aholi bandligini ta’minlash, yangi ish o‘rinlari yaratish, fuqarolarning daromadini oshirish, tadbirkorlikni rivojlantirish hamda aholining muammolarini joyida hal etish borasida amalga oshirilayotgan ishlar muhokama qilinmoqda.

Shuningdek, Kengashlar faoliyatini yanada samarali tashkil etish, deputatlarning saylovchilar bilan ishlashini kuchaytirish, aholi murojaatlariga e’tibor qaratish va hududlarda aniqlanayotgan muammolarni hal etishda deputatlik nazoratidan samarali foydalanish masalalari ham ko‘rib chiqilmoqda.

Asosiy maqsad — aholi manfaatlarini ta’minlash, mahallalarda bandlik va daromadni oshirishga qaratilgan ishlarni yanada jadallashtirish hamda berilgan topshiriqlar ijrosini samarali tashkil etish.