Deputatlar tomonidan madaniy-ma’rifiy ishlar o‘rganildi

Xalq deputatlari Termiz tuman Kengashi deputatlari B. Umarov va K. Abdullayeva tomonidan deputatlarga biriktirilgan tashkilotlar hamda Termiz tuman Ma’naviyat bo‘limi faoliyati o‘rganildi.

O‘rganish davomida O‘zbekiston Respublikasining “Madaniy faoliyat va madaniyat tashkilotlari to‘g‘risida”gi Qonunida belgilangan vazifalarning ijrosi, amalga oshirilayotgan ma’naviy-ma’rifiy tadbirlar, yoshlar bilan ishlash, aholi o‘rtasida targ‘ibot-tashviqot ishlarining samaradorligi hamda madaniyat va ma’naviyat yo‘nalishidagi topshiriqlarning bajarilish holati tahlil qilindi.

Mazkur Qonun Qonunchilik palatasi tomonidan 2020-yil 24-noyabrda qabul qilingan, Senat tomonidan 2021-yil 6-yanvarda ma’qullangan.

Shuningdek, o‘rganish yakunlari bo‘yicha aniqlangan holatlar yuzasidan tegishli tavsiya va takliflar berilib, qonun va qarorlarda belgilangan vazifalarni o‘z vaqtida hamda sifatli amalga oshirish yuzasidan mas’ullarga zarur ko‘rsatmalar bildirildi.