🍲 33-sonli maktabgacha ta’lim muassasasi oshxonasida taom tayyorlash holati o‘rganildi

Xalq deputatlari Navoiy shahar Kengashi deputati, 15-“Humo” saylov okrugi deputati Qurbonov Farhod Absalomovich hamda Xalq deputatlari Navoiy shahar Kengashi bosh mutaxassisi Muborak Astanova Navoiy shahridagi 33-sonli maktabgacha ta’lim muassasasida bo‘lib, tarbiyalanuvchilar uchun ovqat tayyorlanadigan oshxonadagi holatni o‘rgandilar.

🔎 O‘rganish davomida oshxonada taom tayyorlash jarayoni, oziq-ovqat mahsulotlarining saqlanishi, oshxona jihozlari va anjomlarining tozaligi, shuningdek, xodimlarning sanitariya-gigiyena talablariga rioya etishi ko‘zdan kechirildi.

📋 Mazkur jarayon SanQvaN 0016-21-son “Maktabgacha ta’lim tashkilotlarida tarbiyalanayotgan bolalarning xavfsiz va sifatli ovqatlanishini tashkil etishga oid gigiyenik talablar” asosida tashkil etilishi lozim.

🧑‍🍳 Ushbu sanitariya qoidalarida oshxonalarda oziq-ovqat mahsulotlari bilan ishlash, ularni saqlash va qayta ishlash, taom tayyorlash jarayoni, oshxona jihozlarining sanitariya holati hamda xodimlarning shaxsiy gigiyenasiga oid talablar belgilangan.

🧼 O‘rganish davomida oshxona xodimlarining maxsus kiyimlardan foydalanishi, ish jarayonida tozalik va shaxsiy gigiyena qoidalariga rioya etishi masalalariga ham alohida e’tibor qaratildi.

📌 Tashrif yakunida oshxonada sanitariya-gigiyena talablariga qat’iy rioya qilish, oziq-ovqat mahsulotlarini belgilangan tartibda saqlash va taomlarni tayyorlash jarayonini doimiy nazorat qilib borish yuzasidan tegishli tavsiyalar berildi.

✅ Bolalar uchun tayyorlanadigan taomlarning sifati va xavfsizligini ta’minlash — muassasa faoliyatidagi muhim yo‘nalishlardan biridir.

🏛 Xalq deputatlari Navoiy shahar Kengashi kotibiyati