🏛 MUAMMO VA TAKLIFLAR JOYIDA O‘RGANILDI

Xalq deputatlari Sherobod tumani Kengashi raisi O. Tursunov “Guliston” mahallasi hududida joylashgan 2-son Texnikumiga tashrif buyurdi.

🤝 Tashrif davomida politexnikumda faoliyat yuritayotgan xodimlar bilan ochiq va samimiy muloqot o‘tkazildi. Suhbat davomida ta’lim muassasasining bugungi faoliyati, mavjud sharoitlar, jamoani qiynab kelayotgan muammolar hamda kelgusidagi vazifalar muhokama qilindi.

💬 Xodimlarning murojaatlari, fikr-mulohazalari va takliflari tinglanib, bildirilgan masalalarni atroflicha o‘rganish va ularni ijobiy hal etish bo‘yicha fikr almashildi.

🎓 Shuningdek, politexnikumda yoshlarni kasb-hunarga o‘rgatish, ularning zamonaviy bilim va amaliy ko‘nikmalarini oshirish, bandligini ta’minlash hamda mehnat bozorida raqobatbardosh mutaxassislar tayyorlash masalalariga alohida e’tibor qaratildi.

📌 Ta’lim muassasasida yaratilgan sharoitlar ham ko‘zdan kechirilib, mavjud imkoniyatlardan samarali foydalanish, ta’lim sifatini yanada oshirish va o‘quvchilar uchun qulay muhit yaratish yuzasidan tegishli tavsiyalar bildirildi.

✅ Bunday uchrashuvlar joylardagi muammolarni bevosita o‘rganish, fuqarolar va mehnat jamoalarining takliflarini eshitish hamda ularning yechimi bo‘yicha amaliy choralar ko‘rishda muhim ahamiyat kasb etadi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube