Xalıq deputatları Bozataw rayonlıq Keńesi 1-sanlı «Palwash ataw» saylaw okruginen saylanǵan deputat, A.Ibragimov tárepinen “Qusxanataw” awıl puqaralar jıyınında bolıp, "Máhálle jetiligi" sisteması boyınsha ámelge asırılıp atırǵan jumıslar menen tanıstı. 

Úyreniw dawamında puqaralardıń múrájatları menen islesiw, sociallıq qollap-quwatlawǵa mútáj shańaraqlardı qollap-quwatlaw, jumıssız puqaralardı jumıs penen támiyinlew hám aymaqtı rawajlandırıw boyınsha alıp barılıp atırǵan ilajlar kózden ótkerildi. Sonday-aq, sistemanıń nátiyjeliligin arttırıw, puqaralar menen tıǵız baylanısta islew hám ámelge asırılıp atırǵan jumıslardıń sapasın jaqsılaw boyınsha tiyisli usınıslar berildi.