Bolalarni zararli axborotdan himoya qilish — muhim vazifa

🚨 Bugungi axborot makonida bolalarni turli xil zararli va salbiy mazmundagi axborotlardan himoya qilish dolzarb masalalardan biridir. Yosh avlodning sog‘lom fikrlashi, ma’naviy-axloqiy tarbiyasi va barkamol shaxs bo‘lib voyaga yetishida axborot xavfsizligini ta’minlash muhim ahamiyat kasb etadi.

🚨 Mazkur Qonun 2017-yil 8-sentabrda qabul qilingan bo‘lib, bolalarni ularning sog‘lig‘i va rivojlanishiga salbiy ta’sir ko‘rsatishi mumkin bo‘lgan axborotdan himoya qilish sohasidagi munosabatlarni tartibga solishga qaratilgan.

🚨 Bugungi kunda internet, ijtimoiy tarmoqlar va turli axborot resurslaridan foydalanish imkoniyatlari kengayib borayotgan bir paytda bolalarning qanday axborotlarni olayotganiga e’tibor qaratish zarur. Ayniqsa, ularning yosh xususiyatlariga mos bo‘lmagan, ruhiyati va dunyoqarashiga salbiy ta’sir ko‘rsatishi mumkin bo‘lgan axborotlardan himoyalash ota-ona, ta’lim muassasalari hamda jamiyatning muhim vazifalaridan biridir.

🚨 Bolalarni zararli axborotdan himoya qilishda nafaqat cheklov va nazorat, balki ularda axborotni to‘g‘ri tanlash, tahlil qilish va undan xavfsiz foydalanish ko‘nikmalarini shakllantirish ham muhimdir.

🚨 Deputatlar tomonidan mazkur qonun talablarining hududlarda ijrosini o‘rganish, ota-onalar va yoshlar bilan targ‘ibot-tushuntirish ishlarini olib borish hamda bolalar manfaatlarini himoya qilishga qaratilgan tashabbuslarni qo‘llab-quvvatlash muhim ahamiyat kasb etadi.

✍✍✍ Farzandlarimizni zararli axborotdan himoya qilish — ularning sog‘lom va barkamol kelajagini ta’minlashning muhim shartidir.