Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar davom etmoqda.

🔎 Mazkur yo‘nalishlar doirasida xalq deputatlari Pastdarg‘om tumani Kengashi deputati N.Dusmurodov tomonidan 33-umumta’lim maktabining faoliyati va yangi o‘quv yiliga tayyorgarlik holati o‘rganildi.

O‘rganish davomida maktabdagi mavjud shart-sharoitlar, o‘quv xonalari, moddiy-texnik baza, sanitariya va obodonlashtirish ishlari, shuningdek, kuz-qish mavsumiga tayyorgarlik holatiga e’tibor qaratildi.

Shuningdek, o‘quvchilarning ta’lim olishi uchun yaratilgan imkoniyatlar, yoshlar bilan ishlash samaradorligi hamda bitiruvchilarning oliy ta’lim muassasalariga kirish ko‘rsatkichlari yuzasidan tegishli ma’lumotlar o‘rganildi.

📌 Aniqlangan masalalar yuzasidan mas’ullar bilan fikr almashilib, mavjud kamchiliklarni bartaraf etish va ta’lim sifatini yanada oshirish bo‘yicha tegishli tavsiyalar berildi.