Xalq deputatlari Qiziltepa tuman Kengashining deputati M. Karimova o‘z saylov okrugidagi xonadonlarda bo‘lib, aholi bilan samimiy muloqot o‘tkazdi.

Uchrashuvlar davomida fuqarolarning fikr va takliflari tinglanib, ularni qiynayotgan masalalar yuzasidan suhbat olib borildi. Aholi tomonidan so‘nggi yillarda qabul qilinayotgan qonunlar va qarorlar, shuningdek, mahallalarda amalga oshirilayotgan bunyodkorlik hamda infratuzilmani rivojlantirish ishlari yuzasidan mamnunlik bildirildi.

Ta'kidlanganidek, mahallalarda yaratilayotgan qulay sharoitlar natijasida fuqarolar ham o‘z xonadonlari va ko‘chalari obodligiga alohida e'tibor qaratib, tozalik va obodonlashtirish ishlarini izchil amalga oshirib kelmoqda.