💼 Hokim yordamchisi faoliyati deputat tomonidan o‘rganildi

Xalq deputatlari Sherobod tumani Kengashining 13-Qo‘shtegirmon saylov okrugi deputati N. Saidova tomonidan saylov okrugiga qarashli "Balxiguzar" mahallasida deputatlik faoliyatining ustuvor 24 yo‘nalishi doirasida navbatdagi o‘rganish ishlari olib borildi.

📍 O‘rganish davomida mahalla hokim yordamchisi I. Samadovning faoliyati joyiga chiqib o‘rganildi. Xususan, aholi bandligini ta’minlash, tadbirkorlikni rivojlantirish, fuqarolarning daromadlarini oshirish hamda ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar yuzasidan fikr almashildi.

🤝 Shuningdek, hududda mavjud muammolar va ularni bartaraf etish bo‘yicha olib borilayotgan ishlar tahlil qilinib, faoliyat samaradorligini yanada oshirish yuzasidan tegishli tavsiya va takliflar bildirildi.

✅ Deputatlik faoliyati doirasidagi bunday o‘rganishlar davlat dasturlari ijrosini ta’minlash, mahallalarda olib borilayotgan ishlar samaradorligini oshirish hamda aholi manfaatlarini himoya qilishga xizmat qiladi.