Xalq deputatlari Qo‘qon shahar Kengashi raisi va deputati Yu.To‘ychiyev tomonidan fuqarolar murojaati asosida navbatdagi deputatlik so‘rovi yuborildi.

Deputatning "Chorchinor" mahalla fuqarolar yig‘inida saylovchilar bilan o‘tkazgan uchrashuvlari davomida Chorchinor ko‘chasi 40-uyda faoliyat yuritayotgan tadbirkorlik subyekti tomonidan ishlab chiqarilayotgan mahsulotlarni onlayn targ‘ib qilish va marketing yo‘nalishida amaliy yordam ko‘rsatish masalasida murojaat bildirildi.

Mazkur murojaat yuzasidan O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni talablariga muvofiq, Qo‘qon shahar hokimi o‘rinbosari O.Mingboyeva nomiga deputatlik so‘rovi yuborildi.

Deputatlik so‘rovida mahalliy tadbirkorlik subyektining mahsulotlarini zamonaviy axborot texnologiyalari va raqamli platformalar orqali keng targ‘ib qilish, marketing imkoniyatlarini kengaytirish hamda ushbu yo‘nalishda amaliy ko‘mak ko‘rsatish yuzasidan tegishli choralar ko‘rish so‘ralgan.

Mazkur masala deputat nazoratiga olingan bo‘lib, uning ijrosi yuzasidan amalga oshirilayotgan ishlar va erishilgan natijalar haqida jamoatchilikka qo‘shimcha ma’lumotlar berib boriladi.

Xalq deputatlari Qo‘qon shahar Kengashi