Xalq deputatlari Bekobod tuman Kengashiga O‘zbekiston Liberal-demokratik partiyasidan saylangan deputat Sh.To‘raqulova hamda Kengash kotibiyati bosh mutaxassisi N.Azimova tuman Yoshlarni oilaviy hayotga tayyorlash markazida bo‘ldilar.
Tashrif davomida markazda yoshlarni mustaqil hayotga tayyorlash, oila qurish va nikoh munosabatlariga oid huquqiy hamda ma’naviy bilimlarni oshirish bo‘yicha olib borilayotgan o‘quv mashg‘ulotlari bilan yaqindan tanishildi.
Shuningdek, O‘zbekiston Respublikasining 1996-yil 29-avgustda qabul qilingan “O‘zbekiston Respublikasi Fuqarolik kodeksi”ning 256-I-sonli Qonuni ijrosi yuzasidan amalga oshirilayotgan ishlar o‘rganilib, qonun talablarining amaliyotdagi ijrosi muhokama qilindi.
Yoshlarning huquqiy ongi va oilaviy mas’uliyatini mustahkamlashga qaratilgan bunday tadbirlar jamiyatda sog‘lom va barqaror oilalarni shakllantirishga xizmat qiladi.