Xalıq deputatları Bozataw rayonlıq Keńesi 1-sanlı «Palwash ataw» saylaw okruginen deputat, rayonlıq Keńes sekretariatı baslıǵı A. Ibragimov tárepinen Ózbekstan Respublikası Prezidentiniń 2026-jıl 5-fevraldaǵı PQ-49-sanlı qararı hám Qaraqalpaqstan Respublikası Joqarǵı Keńesi Prezidiumınıń 2026-jıl 6-marttaǵı 617-sanlı qararına muwapıq, Bozataw rayonı “Qusxanataw” APJ aymaǵındaǵı “Toremurat jap” jabınıń 1,5 km bólegin betonlaw jumısları menen jaqınnan tanıstı.

Bul joybar aymaqtaǵı suwǵarıw sistemasın bunnan bılay da jetilistiriw hám suwdan nátiyjeli paydalanıwdı támiyinlewge xızmet etedi.

Házirgi waqıtta qurılıs jumısları “QIRQQIZ MAXSUS QURILISH” JShJnıń tájiriybeli qánigeleri tárepinen belgilengen norma hám talaplarǵa muwapıq alıp barılmaqta. Betonlaw procesinde sapa kórsetkishlerine ayrıqsha itibar qaratılıp, jumıslardıń óz waqtında hám puqta orınlanıwı támiyinlenbekte.

Bul joybar juwmaqlanǵannan soń, japtıń suw ótkeriw imkaniyatı jaqsılanıp, suw shıǵınları azayadı hám awıl xojalıǵı jerlerin turaqlı suwǵarıw ushın qolaylı sharayat jaratıladı. Bul bolsa aymaq xalqınıń abadanlıǵın arttırıw hám agrar tarawdıń nátiyjeliligin joqarılatıwǵa múnásip úles qosadı.