Hokim va Deputat Muloqoti: Fuqarolar Murojaatlari E’tiborda!

Xalq deputatlari Uzun tumani Kengashiga 6-Obizarang saylov okrugidan saylangan deputat hamda Uzun tumani hokimi Xabibulla Bozorov o‘z saylovchilari va tuman aholisi bilan navbatdagi shaxsiy qabulini o‘tkazdi.

Xalq qabulxonasida bo‘lib o‘tgan ushbu ochiq muloqotda 15 nafarga yaqin fuqaro ishtirok etib, o‘zlarini qiynayotgan turli yo‘nalishlardagi muammolarini o‘rtoqlashdilar.

Qabul davomida deputat va tuman hokimi sifatida X.Bozorov fuqarolarning quyidagi masalalardagi murojaatlarini alohida nazoratga oldi:

🌱 Yer ajratish va tadbirkorlik;
💼 Bandlikni ta’minlash;
🤝 Ijtimoiy yordam ko‘rsatish;
🏠 Uy-joy sharoitini yaxshilash;
🚰 Ichimlik suvi ta’minoti va boshqa hayotiy masalalar.

Muloqot davomida ko‘tarilgan muammolarning ayrimlari joyida hal etilgan bo‘lsa, yechimi vaqt va mablag‘ talab qiladigan qolgan murojaatlar bo‘yicha tegishli tashkilot rahbarlariga aniq muddatli topshiriqlar berildi