Deputat rayondaǵı Veterinariya hám sharwashılıqtı rawajlandırıw bóliminiń jumısı menen tanıstı

♻️ Xalıq deputatları rayonlıq Keńesi 12-sanlı “Baxıtlı” saylaw okrugi Ózbekstan “Ekologiyalıq” partiyası deputatı A.Turǵanbaev hám K.Saribaev rayondaǵı Veterinariya hám sharwashılıqtı rawajlandırıw bóliminde bolıp, mákeme jumısı hám xalıqqa kórsetilip atırǵan veterinariya xızmetleri menen jaqınnan tanıstı.

Úyreniw dawamında bólim tárepinen sharwa mallarınıń salamatlıǵın saqlaw, juqpalı keselliklerdiń aldın alıw, profilaktikalıq shanshıw ilajların óz waqtında ámelge asırıw, veterinariya-sanitariya talaplarına ámel etiliwi hám tarawǵa baylanıslı mámleketlik baǵdarlamalardıń orınlanıwı boyınsha alıp barılıp atırǵan jumıslar kórip shıǵıldı.
Sonday-aq, deputat qánigeler menen sáwbetlesip, mashqala hám usınıslardı tıńladı jáne veterinariya xızmetleriniń sapasın bunnan bılay da arttırıw, xalıqqa qolaylı hám nátiyjeli xızmet kórsetiwdi támiyinlew boyınsha óz usınısların bildirdi.

Úyreniw juwmaǵında tarawda ámelge asırılıp atırǵan jumıslardı sistemalı dawam ettiriw, anıqlanǵan kemshiliklerdi saplastırıw hám belgilengen wazıypalardı óz waqtında orınlaw boyınsha juwapkerlerge tiyisli usınıslar berildi. Bul baǵdardaǵı jumıslar deputatlıq qadaǵalaw sheńberinde turaqlı úyrenip barılatuǵını atap ótildi.