Xalq deputatlari tuman Kengashi deputati N.Oxunova tomonidan hududdagi maktabgacha ta'lim tashkilotlarida kuz-qish mavsumiga tayyorgarlik, bolalar xavfsizligini ta'minlash hamda yong‘in xavfsizligi talablariga rioya etilishi yuzasidan monitoring o‘tkazildi.

O‘rganish davomida isitish tizimlarining tayyorligi, elektr va gaz jihozlaridan xavfsiz foydalanish, yong‘in o‘chirish vositalarining holati hamda muassasalarda yaratilgan shart-sharoitlar ko‘zdan kechirildi. Aniqlangan kamchiliklarni bartaraf etish bo‘yicha mas'ullarga tegishli tavsiyalar berildi.