Xalq deputatlari Baxmal tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda O‘zbekiston Ekologik partiyasi Baxmal tuman Kengashi tashabbusi bilan g‘alladan bo‘shagan dalalarda bug‘doy poyalari, somon va yovvoyi o‘simliklar qoldiqlarini yoqib yuborish holatlarining oldini olish masalasi atroflicha muhokama qilindi.

📌 Kun tartibiga muvofiq, ushbu salbiy holatlarning oldini olish bo‘yicha ko‘rilayotgan chora-tadbirlar yuzasidan tegishli mas’ullarning hisobotlari eshitildi.

Ta'kidlanganidek, dalalarda o‘simlik qoldiqlarini yoqish ekologiyaga va tuproq unumdorligiga jiddiy zarar yetkazadi. Yakunda komissiya tomonidan hududda nazorat tadbirlarini kuchaytirish va targ‘ibot ishlarini jonlantirish bo‘yicha tegishli qarorlar qabul qilindi.