Xalıq deputatları Bozataw rayonlıq Keńesi 7-sanlı «Qutlı mákan» saylaw okruginen saylanǵan deputat Q.Jamalov hám Keńes sekretariatı baslıǵı A.Ibragimov Erkindarya awıl puqaralar jıyınında bolıp, «Máhálle jettiligi» sisteması tiykarında alıp barılıp atırǵan jumıslar menen tanıstı.
Úyreniw dawamında, sistema arqalı puqaralardıń turmıs jaǵdayın jaqsılaw, sociallıq qollawǵa mútáj shańaraqlardı anıqlaw, jumıssız puqaralardı jumıs penen támiyinlew, ónermentlikti rawajlandırıw hám daramat deregin kóbeytiw boyınsha ámelge asırılıp atırǵan is-ilajlar kózden ótkerildi.
Sonday-aq, awıl puqaralar jıyınında xalıqtan kelip túsken múrájatlar menen islew tártibi, olardı óz waqıtında qarap shıǵıw hám kóterilgen máselelerdi sheshiw jolları haqqında pikir almasıldı. Ámelge asırılıp atırǵan jumıslardıń nátiyjeliligin arttırıw hám belgilep berilgen wazıypalardıń óz waqıtında orınlanıwına ayrıqsha itibar qaratıldı.
Úyreniw juwmaǵında «Máhálle jettiligi» sisteması boyınsha alıp barılıp atırǵan jumıslardı taǵı da jetilistiriw, puqaralar menen tıǵız baylanısta islew hám aymaqtaǵı social-ekonomikalıq mashqalalardı óz waqıtında sheshiw boyınsha tiyisli usınıslar berildi.