Ўзбекистон Республикаси Олий Мажлис Сенати Кенгаши томонидан 2020 йил 30 декабрда қабул қилинган “Парламент ўйинлари” спорт мусобақаларини ташкил этиш ва ўтказиш тўғрисида”ги қарорига мувофиқ, Бухоро вилоятида қуйидаги ишлар амалга оширилди. 

Жорий йилнинг 4 август куни “Парламент ўйинлари” спорт мусобақаларининг мини футбол спорт йўналиши бўйича вилоят босқичи Бухоро давлат университети ҳудудидаги футбол майдонида ўтказилиб, якуний натижаларга кўра жамоалар ҳисобида биринчи ўринни
халқ депутатлари Вобкент тумани Кенгаши, иккинчи ўринни халқ депутатлари Пешкў тумани Кенгаши ва учинчи ўринни халқ депутатлари Когон шаҳар Кенгаши ҳамда университетининг спорт залида халқ депутатлари туманлар ва шаҳарлар Кенгашлари депутатлари ўртасида волейбол спорт йўналиши бўйича вилоят босқичида якуний ҳисобида биринчи ўринни халқ депутатлари Когон тумани Кенгаши, иккинчи ўринни халқ депутатлари Бухоро тумани Кенгаши ва учинчи ўринни халқ депутатлари Когон шаҳар Кенгаши қўлга киритди.