Xalq deputatlari Vobkent tumani Kengashi deputati Feruza Oʻrinova oʻzining saylov okrugidagi 22-umumiy oʻrta taʻlim maktabida 11-sinf bitiruvchilari bilan "Deputat va yoshlar" uchrashuvi tashkil etildi. Uchrashuv jarayonida deputat tomonidan yoshlarga mamlakatimizda roʻy berayotgan oʻzgarishlar, yosh avlodga yaratilib berilayotgan imkoniyatlar, oliy taʻlimga qabul parametrlari oʻsgani, aʻlo baholarga oʻqiyotgan yoshlar uchun maxsus stipendiyalar joriy etilayotgani, yoshlarning kasb-hunarni oʻrganishda katta e'tibor berilayotganligi eʻtirof etildi. 

Uchrashuv davomida yoshlar oʻzlarini qiziqtirayotgan savollarga javob olish bilan birga yechimini kutayotgan muammolarini oʻrtaga tashladilar. Deputat oʻrganilgan masalalarni mutasaddilar hamkorligida koʻrib chiqib, ijobiy hal etishga kirishgan.