Эртага, 17 май куни соат 8.00да вилоят ҳокимлиги биносининг катта мажлислар залида Халқ депутатлари Бухоро вилояти Кенгашининг 79-сессияси ўтказилади.

Сессия кун тартибидан

1. Вилоятда ҳуқуқбузарликларнинг олдини олиш ва уларнинг профилактикаси ҳолати тўғрисида амалга оширилаётган ишлар юзасидан вилоят ички ишлар бошқармаси бошлиғининг ҳисоботи ҳақида;

2. “Яшил макон” умуммиллий дастури доирасида вилоятда амалга оширилган ишларнинг натижадорлиги тўғрисида;

3. Халқ депутатлари вилоят Кенгаши ҳузуридаги ижтимоий шерикчилик бўйича жамоат комиссияси ва нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди фаолиятининг самарадорлиги ҳақида;

 4. Ўзбекистон Республикаси Президенти сайловини ўтказувчи 3-Бухоро округ сайлов комиссияси аъзолигига номзодларни тавсия этиш тўғрисида;

5. Халқ депутатлари вилоят Кенгашининг навбатдаги сессиясини тайёрлаш ва ўтказиш чора-тадбирлари тўғрисидаги масалалар ўрин олган.

🔘Сессия вилоят ҳокимлигининг ижтимоий тармоқлардаги расмий саҳифалари орқали тўғридан-тўғри намойиш этилади.