Жорий йилнинг 26 апрель куни халқ депутатлари Бухоро вилояти Кенгаши 38-Пешку сайлов округи депутати Тешаев Шухрат Жумаевич ҳамда халқ депутатлари туман Кенгаши котибияти мудири Ғайрат Неъматович Ҳамидовлар биргаликда туманнинг Куёвхўжа, Ўғлон, Қучоқ, Чибоғони, Камолот  маҳаллаларига ташриф буюришди. 

Ташриф давомида маҳалла фуқаролар йиғини раиси ва аёллар фаоли иштирокида меҳр-оқибат, хайр-саховат кўрсатиш мақсадида ижтимоий ҳимояга муҳтож “Аёллар дафтари”, “Темир дафтар”да турувчи ҳар бир маҳалланинг 3 та хонадонга ташриф буюриб 10 турдаги озиқ-овқат маҳсулотлари тарқатилди. Бундан ташқари, депутат фуқароларнинг бугунги кунда ўзларини қийнаб келган саволларига жавоб берди.