Pillachilik – yetti xazinaning biri. Shu bois Xalq deputatlari Chinoz tumani Kengashi raisi, tuman hokimi Sherzod Salixov pillachilik borasida hududlarda amalga oshirilayotgan ishlar bilan tanishdi. 

Chinoz tumanida ham boshqa sohalar qatori pillachilik ham jadal rivojlanmoqda. Joriy yilda 166 tonna ipak homashyosini topshirish reja qilingan.Hozirda pillakorlar tomonidan 29 tonnadan ziyod “kumush tola”si davlatga topshirildi.

Bu borada tumanda Ergash Qalmon fermer xoʻjaligi birinchilardan boʻlib oldiga qoʻyilgan 350 kg rejasini bajardi. Shu bois unga sovgʻalar topshirildi. Quvonarlisi, mazkur jarayonda aholining ishtiroki ham ortmoqda. Bu bejizga emas. Boisi pillachilik borasida tumanda amalga oshirilayotgan islohotlar sabab fuqoralar orasida uni yetishtirishga qiziquvchilar soni yildan-yilga koʻpayib bormoqda. Qolaversa, yangi texnologiyalar asosida ipak homashyosini yetishtirish uchun qilingan ishlar ham bu borada oʻzining ijobiy samarasini bermoqda desak mubolagʻa boʻlmaydi.

Xalq deputatlari Chinoz tumani Kengashi deputati Zulfiya Imonqulova