Fuqarolar murojaatlari manzilli tarzda o‘rganilmoqda

Xalq deputatlari Farg‘ona tuman Kengashi deputatlari O.Dadajonova, F.Mirzayevlar tumandagi sektor rahbarlari bilan hamkorlikda tumandagi 2 sektorlar hududida joylashgan Qorasuv, Log‘on, Xurshidi Tobon mahalla fuqarolar yig‘inlari hududida istiqomat qiluvchi fuqarolarning murojaatlarini manzilli tarzda o‘rganilmoqda. O‘rganishlar davomida fuqarolar yashash sharoitlari, mehnat faoliyatlari o‘rganilib, mehr-oqibat, qarindoshlar va qo‘shnichilik axloq-odobi, tamoyillari asosida xalqimiga, mentalitetimizga xos ravishda qadriyatlarga amal qilish yuzasidan mahallalar kesimida uchrashuvlar o‘tkazib, tushuncha va ko‘nikmalar berilishi mahalla raislariga, sektor kotiblariga tavsiya qilindi.

Ijtimoiy jihatdan og‘ir ahvolga tushgan, kam ta’minlangan va salomatliklarini tiklashga muxtoj fuqarolarning murojaatlari tuman Kengashi deputatlari ishtirokida doimiy komissiya yig‘ilishida muhokama qilinishi va murojaatlar yuzasidan tegishli xulosalar sektor kotiblari orqali yetkazilishi aytib o‘tildi.