Bugun Xalq deputatlari Yashnobod tuman Kengashining navbatdagi 39-sessiyasi bo‘lib o‘tdi. Unda Kengash deputatlari, tegishli tashkilot va idoralar rahbarlari, ommaviy axborot vositalari hamda jamoatchilik vakillari ishtirok etdi.

📌 Sessiya kun tartibidan quyidagi masalalar o‘rin oldi:

— Yashnobod tumanida xotin-qizlarni qo‘llab-quvvatlash, ularga tadbirkorlik faoliyatini amalga oshirishda hamda mavjud muammolarini hal etishda ko‘maklashish, shuningdek, xotin-qizlarning huquq va qonuniy manfaatlarini himoya qilish borasida 2026-yil II chorakda amalga oshirilgan amaliy ishlar;

— Yashnobod tumani Ekologiya, atrof-muhitni muhofaza qilish va iqlim o‘zgarishi bo‘limi tomonidan 2026-yil II chorak yakuni bo‘yicha amalga oshirilgan ishlar;

— Yashnobod tumanida “Tashabbusli budjet” loyihasining 2026-yil II mavsumi yakunlari bo‘yicha g‘olib deb topilgan loyihalarga mablag‘ ajratish;

— Yashnobod tumani mahalliy budjetining qo‘shimcha manbalarini xarajatlarga yo‘naltirish;

— Xalq deputatlari Yashnobod tuman Kengashi sessiyalarida mas’ul davlat organlari va tashkilotlarining tuman bo‘limi rahbarlari tomonidan murojaatlar bilan ishlash bo‘yicha axborot (hisobot)larini eshitishni samarali tashkil etish chora-tadbirlari.

Kun tartibidagi masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ul rahbarlarga aniq vazifalar belgilandi.