O‘rganish davomida imkoniyati cheklangan fuqarolarga ko‘rsatilayotgan ijtimoiy, huquqiy va amaliy yordamlar, ularning huquq va manfaatlarini himoya qilish, jamiyatda munosib ishtirokini ta’minlash borasida amalga oshirilayotgan ishlar bilan tanishildi.
Shuningdek, imkoniyati cheklangan fuqarolar bilan suhbat o‘tkazilib, ularning kundalik hayotida duch kelayotgan muammo va ehtiyojlari, ijtimoiy qo‘llab-quvvatlash, bandlik, tibbiy va boshqa xizmatlardan foydalanish bilan bog‘liq masalalari o‘rganildi.
Fuqarolar tomonidan bildirilgan taklif va murojaatlar, shuningdek, hal etilishi lozim bo‘lgan muammolar deputatning “yon daftari”ga qayd etib olindi.
Aniqlangan muammolarni tegishli tashkilotlar bilan hamkorlikda o‘rganish, ularning yechimini ta’minlash hamda fuqarolarning huquq va manfaatlarini himoya qilish bo‘yicha zarur choralarni ko‘rish belgilab olindi.
Mazkur ishlar aholining ijtimoiy himoyaga muhtoj qatlamlarini qo‘llab-quvvatlash, imkoniyati cheklangan fuqarolarning jamiyatdagi faol ishtirokini ta’minlash hamda ularning murojaat va muammolariga amaliy yechim topishga qaratilgani ta’kidlandi.