Oliy Majlis Qonunchilik palatasi deputatlari, Kotibiyat mudiri I. Masharipov hamda Kotibiyat bosh mutaxassisi U. Ro‘zmetov tomonidan tumandagi “Rоyat” mahallasida joylashgan 10-son davlat maktabgacha ta’lim tashkilotining bugungi holati o‘rganildi.
🔎 O‘rganish davomida mazkur maktabgacha ta’lim tashkiloti binosining moddiy-texnik holati, mavjud sharoitlar hamda tarbiyalanuvchilar uchun yaratilgan imkoniyatlarga alohida e’tibor qaratildi.
🏗 1973-yilda qurilgan bino uzoq yillar davomida foydalanib kelinishi natijasida bugungi kunda ancha eskirgani va zamonaviy talablarga javob beradigan holatga keltirish uchun qayta qurishga ehtiyoj mavjudligi aniqlandi.
👧👦 Ayni paytda tashkilotda 150 nafar bola tarbiyalanmoqda. Muassasaning loyihaviy quvvati esa 210 nafar tarbiyalanuvchiga mo‘ljallangan.
⚠️ Bolalarning ta’lim-tarbiyasi va xavfsizligi uchun munosib sharoit yaratish muhim vazifalardan biri ekanligi ta’kidlanib, binoning texnik holatini yaxshilash hamda zamonaviy infratuzilma bilan ta’minlash masalasiga alohida e’tibor qaratildi.
📌 O‘rganish yakunlari bo‘yicha 10-son davlat maktabgacha ta’lim tashkilotini zamonaviy talablar asosida qayta qurish va zarur qurilish-ta’mirlash ishlarini amalga oshirish maqsadida uni tegishli davlat dasturiga kiritish bo‘yicha taklif ilgari surildi.
🌱 Zero, bolalar uchun yaratilgan munosib sharoit — kelajak uchun kiritilgan eng muhim sarmoyadir.