#_deputat_faoliyati
#_24_ta_masala
Fuqarolar murojaatlari o‘rganildi

Xalq deputatlari tuman Kengashining “10-Madaniyat” saylov okrugidan saylangan deputati Sh.Davlatovning deputatlik okrugiga qarashli Lochin mahallasida fuqarolar bilan uchrashuv va murojaatlarni o‘rganish ishlari olib borildi.

O‘rganish jarayonida kotibiyat bosh mutaxassisi A.Nasritdinov tomonidan mahalla hududida istiqomat qiluvchi fuqarolarning murojaatlari, taklif va muammolari tinglandi.

Uchrashuv davomida fuqarolar tomonidan, asosan, ichki ko‘chalarni asfaltlash va ta’mirlash, aholini ichimlik suvi bilan barqaror ta’minlash, shuningdek, mahalla hududini obodonlashtirish va infratuzilmani yaxshilash bilan bog‘liq qator masalalar yuzasidan murojaatlar bildirildi.

Fuqarolarning murojaatlari mas’ullar tomonidan atroflicha o‘rganilib, har bir masala bo‘yicha tegishli tartibda chora ko‘rish, mavjud muammolarni bosqichma-bosqich hal etish yuzasidan fikr va takliflar bildirildi.
Shuningdek, murojaatlarda ko‘tarilgan masalalarni tegishli tashkilot va mutasaddi idoralar bilan hamkorlikda o‘rganish hamda ularning qonunchilikda belgilangan tartibda ijobiy yechimini ta’minlash bo‘yicha tegishli choralar ko‘rilishi belgilandi.

Fuqarolar murojaatlarini tinglash, ularning qonuniy manfaatlarini himoya qilish va hududdagi dolzarb muammolarni hal etish — deputatlik faoliyatining ustuvor yo‘nalishlaridan biridir.

Bunday uchrashuvlar aholining muammolarini bevosita joyiga chiqqan holda o‘rganish, mavjud kamchiliklarni aniqlash va ularni bartaraf etish bo‘yicha samarali choralarni belgilashga xizmat qiladi.