#_deputat_faoliyati
#_162_ta_qonun
#_kotibiyat_xodimi_faoliyati
Ta’lim tizimi — deputat nazoratida

Xalq deputatlari Sariosiyo tumani Kengashining “1-Sangardak” saylov okrugidan saylangan deputat S.Qosimov hamda tuman Kengashi kotibiyati bosh mutaxassisi A.Nasriddinov “Do‘stlik” mahallasida joylashgan 28-sonli umumiy o‘rta ta’lim maktabida uchrashuv o‘tkazdi.

Uchrashuv tuman Kengashining 2026-yilga mo‘ljallangan ish rejasining 7-bandi ijrosini ta’minlash, maktabgacha va maktab ta’limi tizimini rivojlantirish, ta’lim muassasalarida yaratilgan shart-sharoitlarni o‘rganish hamda yangi o‘quv yiliga tayyorgarlik jarayonini tahlil qilish maqsadida tashkil etildi.

Deputat maktabda ta’lim sifatini oshirish, o‘quvchilar uchun munosib sharoitlar yaratish, moddiy-texnik bazani mustahkamlash borasida amalga oshirilgan ishlar bilan yaqindan tanishdi. Shuningdek, maktabning yangi o‘quv yiliga tayyorgarlik holati, sinf xonalarining jihozlanishi, sanitariya-gigiena talablariga rioya etilishi hamda ta’lim jarayoni uchun zarur sharoitlar yaratilgani ko‘zdan kechirildi.

Shuningdek O‘zbekiston Respublikasining 2002-yil 12-dekabrdagi “Axborot erkinligi prinsiplari va kafolatlari to‘g‘risida”gi  439-II-sonli qonuni tahlil etildi.
Uchrashuv davomida maktab pedagogik jamoasi va o‘quvchilar bilan ochiq muloqot o‘tkazilib, ta’lim muassasasidagi mavjud muammolar, ularni hal etish bo‘yicha takliflar va kelgusida amalga oshirilishi lozim bo‘lgan vazifalar muhokama qilindi.

Deputat tomonidan aniqlangan masalalarni tegishli mutasaddi tashkilotlar bilan hamkorlikda hal etish, ta’lim muassasasida yaratilgan shart-sharoitlarni yanada yaxshilash va ta’lim sifatini oshirishga qaratilgan ishlarni deputatlik nazoratiga olish yuzasidan tegishli vazifalar belgilab olindi.
Ta’lim sohasidagi islohotlarni samarali amalga oshirish, yosh avlod uchun sifatli ta’lim va munosib sharoitlarni ta’minlash masalalari deputatlik nazoratining muhim yo‘nalishlaridan biri bo‘lib qolmoqda.